Creada no ano 1986, actualmente está situada no edificio denominado Rialeda, catalogado como patrimonio histórico-artístico municipal, de estilo modernista racionalista, construído polo célebre arquitecto coruñés Rafael González Villar no ano 1912 e restaurado para biblioteca no ano 1998. Na sala infantil hai un mural realizado, no ano 2009, polo ilustrador e prestixioso autor de banda deseñada Miguelanxo Prado. Está rodeada dun fermoso xardín con gran diversidade de árbores, no que destacan un cedro do Himalaia (cedrus deodara) e frondosos tileiros (tilia cordata).
